ថ្ងៃព្រហស្បតិ៍ ៧រោច ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី០១ ខែកុម្ភះ ឆ្នាំ២០២៤ ការិយាល័យនីតិកម្មកសិកម្ម នៃមន្ទីរកសិកម្ម រុក្ខាប្រមាញ់ និងនេសាទ ខេត្តក្រចេះ បានចុះត្រួតពិនិត្យលើការធ្វើអាជីវកម្មថ្នាំ និងជីកសិកម្ម របស់ការិយាល័យនីតិកម្មកសិកម្ម ស្ថិតនៅរដ្ឋបាលស្រុកស្នួល ខេត្តក្រចេះ។

      លទ្ធផលទទួលបានគឺត្រួតពិនិត្យបានចំនួន ០៣ ដេប៉ូ ហើយក្រុមការងារបានធ្វើការណែនាំដល់ អាជីវករទាំងអស់ដូចខាងក្រោម៖

• ណែនាំដល់អាជីវករត្រូវឆ្លងវគ្គបណ្តុះបណ្តាលអប់រំ សមត្ថភាព វិជ្ជាជីវ: ស្តីពី ការគ្រប់គ្រងសម្ភារៈកសិកម្ម ចំនួន ០១ ដេប៉ូ។
• ផ្សព្វផ្សាយលិខិតលេខ ១៥៣៣ កសក ស្តីពី ការពង្រឹង ការអនុវត្តច្បាប់គ្រប់គ្រងថ្នាំកសិកម្ម និងជីកសិកម្ម ដល់ម្ចាស់ដេប៉ូលក់ដុំ លក់រាយថ្នាំកសិកម្ម  និងជីកសិកម្ម ក្នុងគោលបំណងជួយទប់ស្កាត់ការនាំចូលថ្នាំ និងជីកសិកម្មខុសច្បាប់គ្រប់រូបភាពតាមច្រកព្រុំដែន។  
• ផ្សព្វផ្សាយលិខិតលេខ ១០១ កសរន.ក្រច ស្តីពី ការងារត្រូវអនុវត្តរបស់ដេប៉ូលក់ដុំ និងលក់រាយនូវសម្ភារៈកសិកម្មនៅក្នុងខេត្តក្រចេះ។

មន្ទីរកសិកម្ម រុក្ខាប្រមាញ់ និងនេសាទ ខេត្តក្រចេះ