ថ្ងៃអង្គារ ១កើត ខែកត្តិក ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២៥ ខែតុលា ឆ្នាំ២០២២ សកម្មភាពប្រចាំថ្ងៃរបស់ខណ្ឌរដ្ឋបាលជលរួមមាន៖
     *លោក  បែន  ប៊ុណ្ណារ៉ាវុធ  នាយផ្នែករដ្ឋបាលជលផលព្រែកប្រសព្វ  រួមសហការជាមួយគណ:មេបញ្ជាការឯកភាពស្រុកឆ្លូង  និងក្រុមប្រឹក្សាឃុំខ្សាច់អណ្ដែត បានប្រជុំផ្សព្វផ្សាយច្បាប់ ស្ដីពី ជលផល និងលិខិតបទដ្ឋានពាក់ព័ន្ធ ដល់សហគមន៍នេសាទ និងអ្នកនេសាទឃុំខ្សាច់អណ្ដែត  ដោយមានអ្នកចូលរួមចំនួន ១១នាក់ ស្រី ១នាក់។
      *លោក  អ៊ូ  សុវណ្ណារ៉ា  នាយផ្នែករដ្ឋបាលជលផលកាំពី បានសហការជាមួយគណៈបញ្ជាការឯកភាពស្រុកចិត្របុរី ដែលមាននគរបាលប៉ុស្តិ៍សំបុក និងប្រជាការពារឃុំសំបុក បានចុះត្រួតពិនិត្យ និងបង្ក្រាបបទល្មើសជលផលនៅចំណុចព្រែកកាកុត ភូមិស្រែតាហែន ឃុំសំបុក  ស្រុកចិត្របុរី ខេត្តក្រចេះ ។ ជាលទ្ធផល បានដកហូតវត្ថុតាងខុសច្បាប់ដូចជាៈ
         -របាំងស្បៃម៉ុង ចំនួន ០១របាំង ប្រវែង ១២ម៉ែត្រ 
         -លូស្បៃម៉ុង ចំនួន ០២លូ
         -របាំងព្រួលឬស្សី ចំនួន ០១របាំង ប្រវែង ០៩ម៉ែត្រ
         -សាបត្រងត្រី មុខតាត់ ១,៥ម៉ែត្រ ប្រវែង ១៥ម៉ែត្រ ចំនួន ០១
         -បង្គោលឈើចម្រឹង ចំនួន ៨៩បង្គោល 
វត្ថុតាងទាំងអស់ បានបំផ្លាញចោលនៅនឹងកន្លែង ។  

       *លោកស្រី សន បុប្ផា នាយសង្កាត់រដ្ឋបាលជលផលពាមទេរ    លោកស្រី ហ៊ុប ស៊ីនួន លោក វៀង ប៉ាត់ទីនោ  លោក នុត ឬទ្ធី មន្រ្តីខណ្ឌរដ្ឋបាលជលផលក្រចេះ បានចូលរួមបណ្ដុះបណ្ដាល   និងពង្រឹងសមត្ថភាពក្នុងការប្រេីប្រាស់  និងគ្រប់គ្រងកម្មវិធីស្មាត  នៅសាលប្រជុំខណ្ឌរដ្ឋបាលជលផលក្រចេះ។