ថ្ងៃសៅរ៍ ៣រោច ខែអាសាឍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៦ ខែកក្កដា ឆ្នាំ២០២២ សកម្មភាពការងារប្រចាំថ្ងៃរបស់ខណ្ឌរដ្ឋបាលជលផលរួមមាន៖
* លោក ម៊ុក ពន្លក នាយខណ្ឌរដ្ឋបាលជលផលក្រចេះ បានដឹកនាំមន្ត្រីខណ្ឌរដ្ឋបាលជលផល សហការជាមួយក្រុមឆ្មាំទន្លេអភិរក្សសត្វផ្សោត កម្លាំងនគរបាលប៉ុស្តិ៍រដ្ឋបាលឃុំ និងសហគមន៍នេសាទ ចុះត្រួតពិនិត្យ បង្ក្រាបបទល្មើសជលផលតាមដងទន្លេមេគង្គ ក្នុងដែនអភិរក្សផ្សោត និងជីវចម្រុះជលផល ក្នុងស្រុកចិត្របុរី និងស្រុកសំបូរ ខេត្តក្រចេះ។ លទ្ធផលសម្រេចបានដូចខាងក្រោម៖
- ដកហូតបានមងពាក់តាមអន្លង់ចំនួន ១៤ត្បូង មានប្រវែង ៧០០ម៉ែត្រ
- ដកហូតមងបណ្តែតបានចំនួន ០៣ត្បូង មានប្រវែង ៤២០ម៉េត្រ
- ក្រលាមងពី ១៣សម-១៦សម
- ចំពោះម្ចាស់វត្ថុតាងគឺបានបើកទូករត់គេចខ្លួនមុននឹងសមត្ថកិច្ចទៅដល់។
ពេលនេះវត្ថុតាងទាំងអស់ខាងលើត្រូវបានដឹកមករក្សាទុកនៅប៉ុស្តិ៍ឆ្មាំទន្លេអភិរក្សផ្សោតកាំពី ដើម្បីរង់ចាំស្នើសុំយោបល់សម្រេចពីថ្នាក់ដឹកនាំ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម