ថ្ងៃពុធ ៨កើត ខែអាសាឍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី០៦ ខែកក្កដា ឆ្នាំ២០២២ សកម្មភាពការងារប្រចាំថ្ងៃរបស់ខណ្ឌរដ្ឋបាលជលផលរួមមាន៖
*លោក ម៊ុក ពន្លក នាយខណ្ឌរដ្ឋបាលជលផលក្រចេះ លោកនាយរងខណ្ឌរដ្ឋបាលជលផល និងលោក អ៊ូ សុវណ្ណារ៉ា នាយផ្នែករដ្ឋបាលជលផលកាំពី និងមន្ត្រីខណ្ឌរដ្ឋបាលជលផល បានចុះពិនិត្យ និងជ្រេីសរេីសទីតាំងសម្រាប់រៀបចំពិធីទិវាមច្ឆជាតិថ្នាក់ខេត្ត នៅពេលខាងមុខ។
*លោក បែន ប៊ុណ្ណារ៉ាវុធ នាយផ្នែករដ្ឋបាលជលផលព្រែកប្រសព្វ រួមសហការជាមួយក្រុមប្រឹក្សាឃុំខ្សាច់អណ្តែត កងកម្លាំងនគរបាលប៉ុស្តិ៍រដ្ឋបាលឃុំ និងប្រជាការពារភូមិថ្មីទី១ បានចុះត្រួតពិនិត្យ និងបង្ក្រាបបទល្មើសជលផលនៅទំនាបលិចទឹក ចំណុចប្រឡាយចុងមេស្រី ស្ថិតក្នុងភូមិថ្មីទី១ ឃុំខ្សាច់អណ្តែត ស្រុកឆ្លូង ខេត្តក្រចេះ។សម្រេចបានលទ្ធផលដូចខាងក្រោម៖
+ បានធ្វើការរុះរើនិងបំផ្លាញចោលនូវឧបករណ៍នេសាទល្មើសច្បាប់រួមមានៈ
- របាំងព្រួលស្បៃមុងចំនួន ០៦ខ្សែ ប្រវែង ៣៤០ម
- លូស្បៃមុងចំនួន ០៦មាត់លូ ប្រវែង ៣៨ម
- បង្គោលចម្រឹងប្ញស្សីឃ្លៃចំនួន ៧៥ដើម។
*លោក វៀង ប៉ាត់ទីនោ មន្រ្តីខណ្ឌរដ្ឋបាលជលផលក្រចេះ បានបន្តចូលរួមវគ្គបណ្ដុះបណ្ដាល ស្ដីពី ការធ្វេីបច្ចុប្បន្នភាពសហគមន៍ស្រះជម្រកត្រី នៅសណ្ថាគារខេមរា១ ដោយមានអ្នកចូលរួម ៣២នាក់ ស្រី ០៦នាក់។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម