ថ្ងៃពុធ ៨រោច ខែជេស្ឋ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២២ ខែមិថុនា ឆ្នាំ២០២២ សកម្មភាពការងារប្រចាំថ្ងៃរបស់ខណ្ឌរដ្ឋបាលជលផលរួមមាន៖
* លោក មុ៊ក ពន្លក នាយខណ្ឌរដ្ឋបាលជលផលក្រចេះ និងសហការីបានចូលរួមប្រជុំជាមួយថ្នាក់ដឹកនាំ និងក្រុមការងារនៃវិទ្យាស្ថានស្រាវជ្រាវ និងអភិវឌ្ឍន៍ជលផលទឹកសាប រដ្ឋបាលជលផល ដេីម្បីចុះជ្រេីសរេីសទីតាំងវាយតម្លៃផលនេសាទតាមវាលស្រែ ក្នុងឃុំទាំង៦ ស្រុកចិត្របុរី រួមមាន ឃុំបុសលាវ ឃុំថ្មគ្រែ ឃុំគោលាប់ ឃុំចង្ក្រង់ ឃុំកន្ទួត និងឃុំថ្មី ដែលស្រែទាំងនោះលិចទឹកដោយទទួលបានប្រភពទឹកពីការហូរចូលរបស់ទឹកទន្លេមេគង្គ ដោយទឹកភ្លៀង និងប្រភពទឹកពីអាងទឹកទំនប់ធារាសាស្ត្រ។
* លោក តាន់ សុមេធប៊ុនវឌ្ឍន៍ នាយរងខណ្ឌរដ្ឋបាលជលផលក្រចេះ បានចុះប្រមូលពត៏មាន ផលនេសាទនៅ ឃុំដំរីផុង ស្រុកឆ្លូង ដោយបានចុះជួបប្រជាពលរដ្ឋចំនួន ១៥គ្រួសារ។
* លោកស្រី សន បុប្ផា នាយសង្កាត់រដ្ឋបាលជលផលពាមទេរ បានចូលរួមប្រជុំស្តីពីការធ្វើបច្ចុប្បន្នភាពបញ្ជីគម្រោងសកម្មភាពអាទិភាពស្រុកចិត្របុរី (២០២៣-២០២៥) និងការផ្តល់យោបល់ លើសេចក្តីព្រាងសេចក្តីណែនស្តីពីដំណើរការរៀបចំ និងកសាងកម្មវិធីវិនិយោគបីឆ្នាំរំកិល (២០២៣-២០២៥)។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម