ថ្ងៃព្រហស្បតិ៍ ១រោច ខែមាឃ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៧ ខែកុម្ភៈ ឆ្នាំ២០២២ សកម្មភាពការងារប្រចាំថ្ងៃរបស់ខណ្ឌរដ្ឋបាលជលផល នៃមន្ទីរកសិកម្ម រុក្ខាប្រមាញ់ និងនេសាទខេត្តក្រចេះ
* លោក ម៉ុក ពន្លក នាយខណ្ឌរដ្ឋបាលជលផល និងសហការី បានចូលរួមជាមួយនាយកដ្ឋានអភិរក្សជលផល និងអង្គការ WCS ក្នុងកម្មវិធីលែងកូនកន្ធាយក្បាលកង្កែប (ល្មិច) ចំនួន៣៥ក្បាល ចូលក្នុងទន្លេមេគង្គត្រង់ចំណុចកោះពែង ភូមិទន្សោងធ្លាក់ ឃុំកំពង់ចាម ស្រុកសំបូរ ខេត្តក្រចេះ ដែលសហគមន៍នេសាទអូរក្រសាំងធ្វើការបង្កាត់ភ្ញាស់បាន ក្រោមការគាំទ្របច្ចេកទេសពីមន្ត្រីនៃនាយកដ្ឋានអភិរក្សជលផល និងមន្ត្រីខណ្ឌរជលផលក្រចេះ ដោយមានការគាំទ្រថវិកាពីអង្គកា WCS។ បន្ទាប់មកក៏បានចុះទៅប្រជុំជាមួយសហគមន៍នេសាទកោះស័ក្តិសិទ្ធ ដើម្បីរៀបចំកែសម្រួលលើ សេចក្តីព្រាងផែនការគ្រប់គ្រងសហគមន៍នេសាទ ដោយដាក់បញ្ចូលនូវផែនការគ្រប់គ្រងកន្ធាយក្បាលកង្កែប (ល្មិច) ផងដែរ។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម