ថ្ងៃព្រហស្បតិ៍ ១១កើត ខែបុស្ស ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៣ ខែមករា ឆ្នាំ២០២២ សកម្មភាព​ការងារប្រចាំថ្ងៃរបស់​ខណ្ឌរដ្ឋបាល​ជលផលប្រចាំថ្ងៃរួមមាន៖

*  លោក ម៉ុក ពន្លក នាយខណ្ឌរដ្ឋបាលជលផលខេត្តក្រចេះ បានចូលរួមកិច្ចប្រជុំ សាមញ្ញលើកទី៣២ របស់ក្រុមប្រឹក្សាខេត្ត អាណត្តិទី៣ ឆ្នាំទី៣  ក្រោមអធិបតីភាពឯ.ឧ ហឿ សុីយ៉ែម ប្រធានក្រុមប្រឹក្សាខេត្ត។

       +ពេលរសៀលលោក ម៉ុក ពន្លក នាយខណ្ឌរដ្ឋបាលជលផលខេត្ត បានចូលរួមកិច្ចប្រជុំស្តីពីការពិនិត្យផ្ទៀងផ្ទាត់ចំណូល ចំណាយ និងបំណុលភាគទានសព និង ភាគទាន ប្រចាំខែ ឆ្នាំ២០២១ និងបណ្តាឆ្នាំពាក់ព័ន្ធ សមាគមមិត្តបុគ្គលិកកសិកម្មកម្ពុជា។
* នាយរងខណ្ឌរដ្ឋបាលជលផល បានចូលរួមប្រជុំពិនិត្យលើការវិភាគទិន្នន័យសត្វផ្សោតទន្លេមេគង្គ ដើម្បីកំណត់អត្តសញ្ញាណ ដោយមានការចូលរួមពីមន្ត្រីនាយកដ្ឋានអភិរក្សជលផល អង្គការ WWF និងខណ្ឌរដ្ឋបាលជលផលក្រចេះ។
* នាយផ្នែករដ្ឋបាលជលផលព្រែកប្រសព្វ បានចូលរួមប្រជុំសាមញ្ញរបស់ក្រុមប្រឹក្សាស្រុកឆ្លូង លើកទី៣២ អាណត្តិទី៣ ឆ្នាំទី៣ ក្រោមអធិបតីភាពលោក ហេង ឡេង ប្រធានក្រុមប្រឹក្សាស្រុក។
* សង្កាត់រដ្ឋបាលជលផលសំបូរ បានរួមដំណើរជាមួយមន្ត្រីរដ្ឋបាលជលផលថ្នាក់ជាតិដែលអនុវត្តគម្រោង FAO បានចុះទៅ​សម្ភាស​គណៈកម្មការសហគមន៍នេសាទកោះផ្តៅ នឹងសហគមន៍នេសាទតាងួន ទាក់ទងនឹងការគ្រប់គ្រង ព្រមទាំងតម្រូវការចាំ​បាច់មួយ​ចំនួនដែល​ធ្វើអោយសហគមន៍មាននិរន្តរភាព សម្រាប់ពេលបច្ចុប្បន្ន និងអនាគត។