ថ្ងៃព្រហស្បតិ៍ ១១រោច ខែមិគសិរ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី៣០ ខែធ្នូ ឆ្នាំ២០២១ លោក អោក ដារុណ អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តក្រចេះ លោក ឃី ចាន់ណូ អនុប្រធានការិយាល័យផ្សព្វផ្សាយកសិកម្ម និងលោក ញឹម  ឧត្តមវឌ្ឍនា អនុប្រធានការិយាល័យកសិ-ឧស្សាហកម្ម បានចូលរួមកិច្ចប្រជុំ ស្តីពី ការរៀបចំផែនការសកម្មភាពចុះវាយតម្លៃតម្រូវការហេដ្ឋារចនាសម្ព័ន្ធ ក្នុងសហគមន៍ជនជាតិដើមភាគតិច និងនីតិវិធីហិរញ្ញវត្ថុ របស់គម្រោង​បែង​ចែកដីដើម្បីសង្គមកិច្ច និងការអភិវឌ្ឍសេដ្ឋកិច្ចដំណាក់កាលទី៣ (LASED III) ក្រោមអធីបតីភាពលោក សាម៉េង កែវមុនីន អគ្គនាយករង នៃអគ្គនាយកដ្ឋានកសិកម្ម និងជាប្រធានគ្រប់គ្រងគម្រោងទទួលបន្ទុកការងារបច្ចេកទេសគម្រោង តាម​រយៈប្រព័ន្ធអនឡាញ Zoom។