ថ្ងៃអង្គារ ៣កើត ខែមិគសិរ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី០៧ ខែធ្នូ ឆ្នាំ២០២១ ការិយាល័យនីតិកម្មកសិកម្ម នៃមន្ទីរកសិកម្ម រុក្ខាប្រមាញ់ និងនេសាទខេត្តក្រចេះ បានចុះត្រួតពិនិត្យការធ្វើអាជីវកម្មថ្នាំ និងជីកសិកម្ម នៅឃុំអូរគ្រៀង (ចំណុចភ្នំខៀវ) ស្រុកសំបូរ បានចំនួន ០៦ដេប៉ូ ហើយក្រុមការងារបានធ្វើការណែនាំដល់អាជីវករទាំងអស់ដូចខាងក្រោម៖
  ១- ត្រូវមានវិញ្ញាបនបត្របញ្ជាក់ការសិក្សា ដែលបានឆ្លងវគ្គបណ្តុះបណ្តាលអប់រំសមត្ថភាពវិជ្ជាជីវ: ស្តីពី ការគ្រប់គ្រងសម្ភារកសិកម្មនៅក្នុងដេប៉ូរបស់ខ្លួន
  ២- ត្រូវមានលិខិតអនុញ្ញាតធ្វើអាជីវកម្មសម្ភារកសិកម្ម នៅក្នុងដេប៉ូរបស់ខ្លួន ដោយធ្វើការស្មើសុំនៅច្រកចេញចូលតែមួយតាមបណ្តា ក្រុង-ស្រុក និងក្នុងករណីដែលជិតផុតសុពលភាពត្រូវស្នើសុំបន្ត
  ៣- ណែនាំពីការពិនិត្យព័ត៌មានតាមប្រព័ន្ធ QR code សម្រាប់ព័ត៌មានចុះបញ្ជីថ្នាំកសិកម្ម និងជីកសិកម្ម
  ៤-ផ្សព្វផ្សាយលិខិតលេខ ១៥៣៣ កសក  ស្តីពី ការពង្រឹង ការអនុវត្តច្បាប់គ្រប់គ្រងថ្នាំកសិកម្ម និងជីកសិកម្ម ដល់ម្ចាស់ដេប៉ូលក់ដុំ លក់រាយថ្នាំកសិកម្ម និងជីកសិកម្ម ក្នុងគោលបំណងជួយទប់ស្កាត់ការនាំចូលថ្នាំ និងជីកសិកម្មខុសច្បាប់គ្រប់រូបភាពតាមច្រកព្រុំដែន។  
  ៥-ណែនាំបងប្អូនអាជីវករទាំងអស់ត្រូវអនុវត្តវិធានការ ៣កុំ និង៣ការពារ ជាប្រចាំពេលលក់ថ្នាំ និងជីដល់កសិករ ដើម្បីការពារជំងឺកូវីត ១៩។