ថ្ងៃអង្គារ ១២កើត ខែកត្តិក ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៦ ខែវិច្ឆិកា ឆ្នាំ២០២១ សកម្មភាពការងារប្រចាំថ្ងៃរបស់ខណ្ឌរដ្ឋបាលជលផលរួមមាន៖

 -លោក ម៉ុក ពន្លក នាយខណ្ឌរដ្ឋបាលជលផល និងសហការី បានសហការជាមួយមន្ត្រីអង្គការ WWF ខេត្តក្រចេះ រៀបចំកិច្ចប្រជុំជាមួយក្រុមឆ្មាំទន្លេអភិរក្សសត្វផ្សោតទាំង ១១ប៉ុស្តិ៍ ដោយមានវត្តមានសមាជិកចូលរួមសរុបចំនួន ៤៣រូប នៅប៉ុស្តិ៍ឆ្មាំទន្លេអភិរក្សសត្វផ្សោតកាំពី។ គោលបំណងគឺ ដើម្បីពង្រឹងការអនុវត្តច្បាប់ក្នុងដែនអភិរក្ស និងផ្តល់ជូនលិខិតសរសើរ ថាស់ប្រាក់ ថវិកាចំនួន​ ៤០មុឺនរៀល ម៉ាស់ អាកុល ដែលជាអំណោយ និងរង្វាន់លើកទឹកចិត្តរបស់ឯឧត្តម វ៉ា ថន គណៈនៃគណៈអភិបាលខេត្តក្រចេះ ជូនដល់លោក កែម ផាត ជាសមាជិកឆ្មាំទន្លេប៉ុស្តិ៍ជ្រោយបន្ទាយ ដែលមានស្នាដៃល្អក្នុងការបំពេញភារកិច្ច ឧស្សា ព្យាយាម និងស្មោះត្រង់ក្នុងកិច្ចការការពារ អភិរក្សសត្វផ្សោត និងជីវចម្រុះជលផលទន្លេមេគង្គ។

-ផ្នែករដ្ឋបាលជលផលកាំពី សហការជាមួយនគបាលស្រុកសំបូរ សហគមន៍នេសាទអំពិលទឹក និងមន្រ្តីអង្គការ WCS ចុះល្បាតត្រួតពិនិត្យ និងបង្ក្រាបបទល្មើសជលផល នៅចំណុចសំប៉ាន និងចំណុចគោល៨ជ្រុង ឃុំបឹងចារ ស្រុកសំបូរ ខេត្តក្រចេះ ប្រើទូកចំនួន ០៤គ្រឿង អ្នកចូលរួមល្បាតចំនួន ០៨នាក់ ។

ជាលទ្ធផលនៃការបង្ក្រាប បានដកហូតវត្ថុតាងដូចជា៖
-អាំវែកទ័រឆក់ចំនួន០១គ្រឿង
-កន្ត្រងដួសត្រីមានភ្ជាប់ខ្សែភ្លើងចំនួន ០១គូ
-អាគុយ កម្លាំង ៧០អាំពែ ចំនួន ០១គ្រឿង
-ខ្សែកាបចំនួន ០២ខ្សែ
-ធុងដាក់ត្រីចំនួន ០១
-ទូកស្មាច ចំនួន ០១គ្រឿង ប្រវែង ៦,៥ម៉ែត្រ
-ម៉ាស៊ីនម៉ាក Loncin ចំនួន ០១គ្រឿង កម្លាំង ២០សេស 
-មងក្រលាធំចំនួន ០៨ត្បូង ប្រវែង ៦២០ម៉ែត្រ ។

*ខណ្ឌរដ្ឋបាលជលផលក្រចេះ*

លេខ: ៦៣៨