ថ្ងៃអង្គារ ១កើត ខែភទ្របទ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី០៧ ខែកញ្ញា ឆ្នាំ២០២១ លោក  អោក  ដារុណ  អនុប្រធានមន្ទីរ កសិកម្ម រុក្ខាប្រមាញ់ និងនេសាទខេត្តក្រចេះ ការិយាល័យកសិ-ឧស្សាហកម្ម តំណាងខណ្ឌរដ្ឋបាលព្រៃឈេីក្រចេះ  ផ្នែករដ្ឋបាលព្រៃឈេីក្រចេះ  សង្កាត់រដ្ឋបាលព្រៃឈេីសណ្តាន់ និងសង្កាត់រដ្ឋបាលព្រៃឈេីអូរគ្រៀង បានចូលរួមសហការជាមួយរដ្ឋបាលព្រៃឈេីថ្នាក់កណ្តាល ដឹកនាំដោយលោក ហម សារ៉ាវុទ្ធ នាយករងរដ្ឋបាលព្រៃឈេី ចុះសិក្សាបញ្ហាទំនាស់រវាងប្រជាពលរដ្ឋ ចូលទន្រ្ទានដីក្រុមហ៊ុនសម្បទានដីសេដ្ឋកិច្ចមេហ្គាស្តាប្រូឌ្យូស និងមេហ្គាស្តាអិនវេសមេន ដែលមានទីតាំងស្ថិតនៅឃុំសំបុក និងឃុំអូរគ្រៀង ស្រុកសំបូរ។