ថ្ងៃអង្គារ ៨រោច ខែស្រាព៍ណ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី៣១ ខែសីហា ឆ្នាំ២០២១ សកម្មភាពការងាររបស់ខណ្ឌរដ្ឋបាលជលផលប្រចាំថ្ងៃ រួមមាន៖

* លោកនាយផ្នែករដ្ឋបាលជលផលព្រែកប្រសព្វ បានចូលរួមប្រជុំសាមញ្ញរបស់ក្រុមប្រឹក្សាស្រុកព្រែកប្រសព្វលើកទី២៧ ឆ្នាំទី៣ អាណត្តិទី៣ ក្រោមអធិបតីភាពលោក នូ ច័ន្ទតារា ប្រធានក្រុមប្រឹក្សាស្រុក។
* នាយផ្នែករជផកាំពី បានសហការជាមួយមន្ត្រីគម្រោង  LASED II នៃមន្ទីរកសិកម្ម រុក្ខាប្រមាញ់ និងនេសាទខេត្ត ចេះបើកវគ្គបណ្តុះបណ្តាលបច្ចេកទេសចិញ្ចឹមត្រីលក្ខណៈគ្រួសារ ជូនដល់កសិករនៅដីសម្បទានសង្គមកិច្ចឃុំចំបក់ ស្រុកព្រែកប្រសព្វ។
* នាយសង្កាត់រដ្ឋបាលជលផលសំបូរ បានចូលរួមប្រជុំបូកសរុបលទ្ធផលការងារគណៈបញ្ជាការឯកភាពស្រុក ប្រចាំខែសីហា ឆ្នាំ២០២១ និងលើកទិសដៅបន្តខែកញ្ញា នៅសាលប្រជុំសាលាស្រុកសំបូរ។