ថ្ងៃសុក្រ ៤រោច ខែស្រាព៍ណ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៧ ខែសីហា ឆ្នាំ២០២១ សកម្មភាពការងាររបស់ខណ្ឌរដ្ឋបាលជលផលប្រចាំថ្ងៃ រួមមាន៖

* នាយរងខណ្ឌរដ្ឋបាលជលផល បានចូលរួមប្រជុំ តាមកម្មវិធី Zoom meeting ជាមួយរដ្ឋបាលជលផល ស្តីពី ការបញ្ចូលទិន្នន័យ ការពិព៌ណនាការងារ របស់មន្ត្រីជលផលខណ្ឌជលផល ដោយមានការចូលរួមពី មន្ត្រីជំនាញនៃមន្ទីរកសិកម្ម រុក្ខាប្រមាញ់ និងនេសាទខេត្តក្រចេះ ផងដែរ ។
* ផ្នែករដ្ឋបាលជលផលព្រែកប្រសព្វបានចូលរួមប្រជុំបូកសរុបលទ្ធផលការងារប្រចាំខែសីហា ឆ្នាំ២០២១ នៅសាលប្រជុំរដ្ឋបាលស្រុកព្រែកប្រសព្វ។
* ផ្នែករដ្ឋបាលជលផលកាំពី សហការជាមួយមន្ត្រីគម្រោង LASED ll នៃមន្ទីរកសិកម្ម រុក្ខាប្រមាញ់ និងនេសាទខេត្ត បានចុះសម្រប សម្រួល វគ្គបណ្តុះបណ្តាលបច្ចេកទេសចិញ្ចឹមត្រី ជាលក្ខណៈគ្រួសារ ដល់កសិករនៅដីសម្បទានសង្គមកិច្ច ឃុំដារ ស្រុកចិត្របុរី។
*  មន្រ្តីខណ្ឌរដ្ឋបាលជលផលបានដឹកនាំក្រុមឆ្មាំប៉ុស្តិ៍ថ្មគ្រែ សហគមន៍នេសាទ និងប្រជាការពារ ចុះល្បាតក្នុងតំបន់អភិរក្សសត្វផ្សោតកាំពី ក្នុងនោះបានដកហូតឧបករណ៍នេសាទមង ចំនួន ០៥ត្បូង មានប្រវៃង ១៨០ម៉ែត្រ ទំហំក្រឡា ០៧សម-១៥សម និងបានដុតបំផ្លាញចោលនៅប្រឡោះអន្ទង់វៀន។