ថ្ងៃពុធ ១៣រោច ខែបឋមាសាឍ ឆ្នាំឆ្លូវ ត្រីស័កព.ស.២៥៦៥ ត្រូវនឹងថ្ងៃទី០៧ ខែកក្កដា ឆ្នាំ២០២១ សកម្មភាពការងាររបស់ខណ្ឌរដ្ឋបាលជលផលរួមមាន៖
*ផ្នែករដ្ឋបាលជលផលព្រែកប្រសព្វ បានសហការជាមួយមន្រ្តីជលផលថ្នាក់ជាតិ និងគណៈបញ្ជាការឯកភាពស្រុក ព្រមទាំងសហគមន៍នេសាទមូលដ្ឋានពាក់ព័ន្ធ បានចុះត្រួតពិនិត្យ បង្ក្រាបបទល្មើសនេសាទ នៅបឹងខ្នាយរមាស ឃុំជ្រោយបន្ទាយ ស្រុកព្រែកប្រសព្វ ដោយបានដកហូត និងបំផ្លាញចោលឧបរណ៍នេសាទល្មើសច្បាប់មួយចំនួនដូចខាងក្រោម៖
- របាំងព្រួលស្បៃមុងចំនួន ២០ខ្សែ ប្រវែង ១២០០ម
- លូស្បៃមុងចំនួន ២០មាត់លូ
- របាំងព្រួលសាច់អួននីឡុងរឹងចំនួន ០៦ខ្សែ ប្រវែង ៣៧០ម ក្រឡាទំហំ ៣សម
- លបសាច់អួននីឡុងចំនួន ១០គ្រឿង
- លបប្រឹស ១០០ លប (លបម៉ាឡេ) ចំនួន ១១គ្រឿង
- បង្គោលចម្រឹងប្ញស្សីចំនួន ៦០០ដើម និងចាក់លែងត្រីចម្រុះទម្ងន់ប្រមាណ ៥០គ.ក្រ ចូលក្នុងបឹងធម្មជាតិវិញ។
* សង្កាត់រដ្ឋបាលជលផលសំបូរ និងក្រុម ការងារ អនុវត្តគម្រោង CAPFISH Capture បានចុះអនុវត្តសកម្មភាពត្រួតពិនត្យ អធិការកិច្ចជលផល ដើម្បីប្រមូលទិន្នន័យឧបករណ៍នេសាទ និងវារីវប្បកម្ម ដោយប្រើប្រាស់ប្រព័ន្ធ SMART Tool នៅឃុំវឌ្ឋនៈ ស្រុកសំបូរ។ លទ្ធផលទទួលបានទាំងពីរម៉ាស៊ីនគឺ ឧបករណ៍មានចែងក្នុងប្រកាស ១០ករណី ឧបករណ៍នេសាទមិនមានចែងក្នុងប្រកាស ០៥ករណី បានដកហូតមងចំនួន ០៦ត្បូង ក្រឡាពី ០៩ ដល់ ១៥ស.ម មានប្រវែង ២៥០ម។
រក្សាសិទិ្ធគ្រប់យ៉ាងដោយ ក្រសួងកសិកម្ម រុក្ខាប្រមាញ់ និងនេសាទ
រៀបចំដោយ មជ្ឈមណ្ឌលព័ត៌មាន និងឯកសារកសិកម្ម