ថ្ងៃសុក្រ ១រោច ខែបឋមាសាឍ ឆ្នាំឆ្លូវ ព.ស.២៥៦៥ ត្រូវនឹងថ្ងៃទី ២៥ ខែមិថុនា ឆ្នាំ២០២១ សកម្មភាពការងាររបស់ខណ្ឌរដ្ឋបាលជលផលរួមមាន៖

*លោក ម៉ុក ពន្លក នាយខណ្ឌរដ្ឋបាលជលផល និងលោកតាន់ សុមេធប៊ុនវឌ្ឍន៍ នាយរងខណ្ឌរដ្ឋបាលជលផល បានចូលរួមប្រជុំតាមរយៈប្រព័ន្ធវីដេអូអនឡាញ (Zoom Meeting) ស្តីពី ស្ថិតិវារីវប្បកម្ម និងទីផ្សាផលផលិតផលវារីវប្បកម្ម ក្រោមអធិបតីភាពឯកឧត្តម ពុំ សុថា ប្រតិភូរាជរដ្ឋាភិបាលទទួល បន្ទុកជា ប្រធានរដ្ឋបាលជលផល។
*លោកនាយផ្នែករដ្ឋបាលជលផលកាំពី និងលោក ជុន ជាង មន្ត្រីនៃមន្ទីរកសិកម្ម រុក្ខាប្រមាញ់ និងនេសាទខេត្ត បានចុះបើកវគ្គបណ្តុះបណ្តាល បច្ចេកទេសចិញ្ចឹមត្រីជាលក្ខណៈគ្រួសារ ដល់សម្បទានិកនៅឃុំថ្មី ស្រុកចិត្របុរី ដែលមានអ្នកចូលរួមសរុបចំនួន ២៨ នាក់ ស្រី ២៤នាក់ របស់គម្រោង LASET II  ។
*លោកនាយរង​ផ្នែក​រដ្ឋបាលជលផលព្រែកប្រសព្វ ​រួមជាមួយសង្កាត់​រដ្ឋ​បាល​ជលផលសំបូរ​ និងក្រុមការងារអនុវត្តគម្រោង CAPFISH Capture បានចុះអនុវត្តសកម្មភាព​ត្រួតពិនត្យ អធិការកិច្ចជលផល ដើម្បីប្រមូលទិន្នន័យឧបករណ៍នេសាទ និងវារីវប្បកម្ម ដោយប្រើប្រាស់ប្រព័ន្ធ SMART Tool នៅឃុំវឌ្ឋនៈ​ ស្រុកសំបូរ។ លទ្ធផល​ទទួល​បានគឺ ឧបករណ៍នេសាទមានចែងក្នុងប្រកាស​របស់ក្រសួងកសិកម្មចំនួន ៥២ ករណី​ ឧបករណ៍​មិនមានចែងក្នុងប្រកាស ០៤ករណី​​។