នៅថ្ងៃសុក្រ ១៤រោច ខែជេស្ឋ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៩ ខែមិថុនា ឆ្នាំ២០២០ លោក ទ្រី សុភក្តិ ប្រធានមន្ទីរកសិកម្ម រុក្ខាប្រមាញ់ និនេសាទខេត្តក្រចេះ និងសហការី បានចុះចែកធាតុចូលកសិកម្មមានដូចជា គ្រាប់ពូជ និងជីធម្មជាតិ ដល់ក្រុមកសិករ និងពិនិត្យការងារបង្កបង្កើនផលនៅតាមមូលដ្ឋានដូចខាងក្រោម៖
កម្មវិធីទី១៖ ចែកធាតុចូលកសិកម្មមានដូចជាគ្រាប់ពូជបន្លែ៤មុខ និងជីធម្មជាតិ១ការ៉ុងសម្រាប់កសិករ១គ្រួសារ ដល់ក្រុមកសិករអញ្ចើញមកពី ភូមិព្រែកប្រសព្វក្រោម ឃុំព្រែកប្រសព្វ ស្រុកព្រែកប្រសព្វ ដែលមានសមាជិកសរុបចំនួន ៤៥គ្រួសារ ដែលគាំទ្រដោយគម្រោងឈេន (CHAIN)។
កម្មវិធីទី២៖ ចុះពិនិត្យស្រូវបង្កើនរដូវវលើផ្ទៃដី ១,៣ហិកតា។ ពោតស ៥០អា ក្នុងនោះកសិករអាចលក់ស្នៀតពោត និងពោតឆៅ បានចំនួន ១៨ ០០០រៀលក្នុង ១ផ្លូន ព្រមទាំង ល្ហុង ៣០អា លក់ជាល្ហុងបន្លែ ក្នុងតម្លៃ ១០០០រៀល ក្នុង ១គីឡូ។ បន្ទាប់មកក្រុម​ការងារក៏បានបន្តរចុះពិនិត្យចម្ការរបស់កសិករឈ្មោះកសិករ វ៉ាន់ រិទ្ធី ដាំឪឡឹក ១០អា ប្រមូលផល បានប្រមាណ ១តោន លក់​បានតម្លៃ ១០០០រៀលក្នុង ១គីឡូ។
កម្មវិធីទី៣៖ ចុះពិនិត្យចំម្ការកសិករឈ្មោះ ស្រ៊ុន គឹមសួ ដែលដាំត្រសក់ស្រូវលើផ្ទៃដី ១១អា ដែកលក់បាន ៨០០រៀល ក្នុង១គីឡូ និងត្រសក់ចំណារ ៨អា លក់បានតំលៃ ៨០០រៀល ក្នុង ១គីឡូ។
កម្មចវិធីទី៤៖ ចុះពិនិត្យការចិញ្ចឹមទា និងក្រួច របស់កសិករ រិន បូរ៉ា នៅភូមិព្រែកប្រសព្វកណ្តាល ឃុំព្រែកប្រសព្វ ដែល ចិញ្ចឹមទាយកពងចំនួន ១៤០០ក្បាល ដោយលក់ពង ១គ្រាប់ ក្នុងតម្លៃ ៤០០រៀល។ 
ក្រៅពីនេះ លោកប្រធានមន្ទីរបានផ្សព្វផ្សាយដល់កសិករ ឱ្យខិតខំបង្ករបង្កើនផល ប្រើប្រាស់ជីធម្មជាតិ ការថែទាំបន្លៃ វិធានការការពារ កម្ចាត់សត្វល្អិត ជំងឺ និងខិតខំបង្កើនការផលិតឲ្យអស់សក្តានុពល ដើម្បីបំពេញតម្រូវការស្បៀងក្នុងអំឡុងពេលនៃការរីករាលដាលជំងឺកូវីដ១៩ (COVID 19)។