នៅថ្ងៃពុធ ៥រោច ខែចេត្រ ឆ្នាំកុរ ឯកស័ក ពុទ្ធសករាជ ២៥៦២ ត្រូវនឹងថ្ងៃទី២៤ ខែមេសា ឆ្នាំ២០១៩ ក្រុមការងារចុះបញ្ជីដីរដ្ឋ បានចុះត្រួតពិនិត្យ និងវាស់វែងលើដីសម្បទានសេដ្ឋកិច្ច ក្រុមហ៊ុន សុវណ្ណវុទ្ធី ខូអិលធីឌី  ស្ថិតនៅ ឃុំក្រញូងសែនជ័យ  ស្រុក ស្នួល ខេត្តក្រចេះ ដើម្បីចុះបញ្ជី ជាដីឯកជនរបស់រដ្ឋ ដែលមានការចូលរួមពីលោក កៅ ម៉ាឌីឡែន ប្រធានមន្ទីរដែនដី នគរូបនីយកម្ម និងសូរិយោលដីខេត្តក្រចេះ លោក អោក ដារុណ អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តក្រចេះ លោក សាម ណាល់ អភិបាលរងស្រុកស្នួល តំណាងក្រុមហ៊ុន សុវណ្ណវុទ្ធី ខូអិលធីឌី និងមន្រ្តីចុះបញ្ជីដីរដ្ឋ ដែលមានអ្នកចូលរួមសរុប ១៨នាក់។