នៅព្រឹកថ្ងៃអាទិត្យ ១០រោច ខែកត្តិក ឆ្នាំច សំរឹទ្ធិស័ក ព.ស.២៥៦២ ត្រូវនិងថ្ងៃទី២ ខែធ្នូ ឆ្នាំ២០១៨ លោកប្រធានមន្ទីរកសិកម្ម និងថ្នាក់ដឹកនាំមន្ទីរ បានចូលរួម អបអរសាទរ ខួបអនុស្សាវរីយ៍លើកទី៤០ (១៩៧៨-២០១៨ ) ទិវាកំណើតរណសិរ្យសាមគ្គី អភិវឌ្ឍន៍មាតុភូមិកម្ពុជា នៅវិមានអនុស្សាវរីយ៍ ២ធ្នូ ស្ថិតនៅភូមិជើងឃ្លូ ឃុំ២ធ្នូ ស្រុកស្នួល ខេត្តក្រចេះ ក្នុងគោលបំណងរំលឹកការចងចាំជានិច្ចនូវគុណូបការៈដ៏ឧត្តុង្គឧត្តម របស់វីរកម្មាភិបាល យុទ្ធជន យុទ្ធនារី ដែលបានបូជាជីវិត ដើម្បីបុព្វហេតុរំដោះជាតិចេញផុតពីរបបប្រលៃពូជសាសន៍ ប៉ុល ពត និងការការពារការរស់ឡើងវិញរបស់ជាតិ និងប្រជាជនកម្ពុជា។